Guddoomiyaha Gobolka Banaadir ahna Duqa Magaalada Muqdisho . Xasan Maxamed Xuseen (Muungaab) ayaa boqolaal shacab ah, Mas’uuliyiin, Odayaal dhaqan, Siyaasiyiin iyo Guddoomiyeyaal Degmo Salaada Ciidul Adxaa kula tukaday Duleedka Degmada Gubadleey ee Magaalada Muqdisho.
Guddoomiyaha Gobolka Banaadir ahna Duqa Magaalada Muqdisho Mudane Dr. Xasan Maxamed Xuseen (Muungaab) ayaa Salaada Ciida kadib khudbad uu ujeediyay bulshada ugu baaqay in la is gar-gaaro, lana garab siiyo bulshada kuwooda nugul, lalana shaqeeyo laamaha amniga, isla markaana loo midoobo dagaalka ka dhanka ah kooxaha Khawaarijta.
Duqa Muqdisho ayaa bulshada ugu baaqay in loo dareero isdiiwaangelinta dadweynaha ee doorashooyinka qofka iyo codka, si ay usoo doortaan hogaan ay kula xisaabtami karaan mas’uuliyadda ay u dhiibtaan, taasi oo qeyb ka ah qorshaha dimuqraadiyeynta dalka ee uu hormuudka u yahay Madaxweynaha JFS Mudane Dr. Xasan Sheekh Maxamuud.
