Faah-faahin dheeraad ah ayaa ka soo baxeysa dagaal  qorsheysan oo ciidamada dowladda ay  ka fuliyeen deegaanada Awdhiigle, Bariiri, Sabiid iyo Caanoole oo ka trisan Gobolka Shabeelada Hoose.
Dagaalka ayaa lagu dilay maleeshiyaadka ka tirsan kooxda Al-shabaab, iyadoona sidoo kale la qabsaday hub, sida ay sheegtay dowladda Soomaaliya.
Sidoo kale Maleeshiyaadka Al-shabaab ayaa waxay qarax ku jareen Buundada deegaanka Bariiri si aysan u isticmaalin gaadiidka gurmadka Ciidanka dowlada iyo dadka shacabka.
Buundada ay qarxiyeen Maleeshiyaadka Al-shabaab ayaa marin muhiim ah u aheyd shacabka isticmaala deegaano kale ee ka tirsan Gobolkaasi.
Wasiiru Dowladaha Wasaarada Gaashaandhiga ee Xukuumadda Soomaaliya ayaa sheegay in dagaaladii ugu dambeeyay eek a dhacay Gobolka Shabeelada Hoose lagu khaariyay xubno ka tirsan Kooxda Al-shabaab, inkastoo uusan sheegin tiradada xubnaha la dilay, waxaa uuna sheegay in Al-shabaab ay qarxiyeen Buundada Bariiri.
Buundada deegaanka Bariiri ayaa xiriirin jirtay labada dhinac ee webiga iyadoona mihiim u ahayd Dadka deegaanka oo u badan Beeraleey.
