146 qof ayaa ku dhintay laba dhul go’ oo ka dhacay Koonfurta Itoobiya, sida ay maamulka deegaanka u sheegeen BBC-da.
Tiro meydad ah oo ay ku jiraan konton haween ah ayaa ilaa hadda la soo saaray, balse waxaa jirta cabsi laga qabo in tiradaasi ay kororto.
Roobab mahiigaan ah oo da’ay Axaddii iyo Isniintii ayaa waxaa xigay dhul go’ dad ay ku dhinteen oo ka dhacay degmada Gofa ee Koonfurta Itoobiya.
Saraakiisha deegaanka ayaa sheegay in dadka deegaanka iyo ciidamada amaanka ay isku dayeen in ay soo badbaadiyaan dad ku dhintay dhul go’a koowaad, waxaana midda labaad ay saameysay dad u soo gurmaday.
Iyadoo baadigoobka uu socdo, waxaa jirta cabsi laga qabo in dad badan oo kale ay weli dhoobada ku hoos jiraan. Taageero deg-deg ah ayaa la siinayaa kuwa badbaaday.
Koonfurta Itoobiya ayaa marar badan oo kale lagu arkay dhul go’, balse tani waa mid ka mid ah kuwii ugu darnaa ee soo mara gobolka.
