Saturday, August 30, 2025

Xildhibaano diyaariyay Mooshin ka dhan ah RW Xamsa iyo Tirada xildhibaanada Wada

Warar soo baxay ayaa Sheegaya in Xildhibaanno ka tirsan Golaha Shacabka ee Baarlamaanka Federaalka Soomaaliya ay wadaan abaabul mooshin xilka looga tuurayo Ra’iisul Wasaaraha Xukuumadda Federaalka, Xamse Cabdi Barre, marka uu furmo kalfadhiga Golaha Shacabka.

Mooshinkan oo ay diyaarinayaan xildhibaanno ku sugan magaalooyinka Muqdisho iyo Nairobi, ayaa lagu eedeeyay Ra’iisul Wasaaraha fashil dhinaca siyaasadda ah, waxaana ololahan xooggan ee socda waxaa uu yahay qorshihiisa sidii uu u noqon lahaa mid Baarlamaanka ayna meel mariyaan.

Xildhibaan Cabdiladiif Sanyare, oo kamid ah abaabulayaasha, ayaa sheegay in mooshinka ay hadda saxiixeen 120 xildhibaan, balse ay weli ka dhiman yihiin 20 mudane oo loo baahan yahay. Wuxuu xusay in la qorsheeyay in mooshinka lagu horgeeyo Golaha Shacabka 23-ka August, isagoo ugu baaqay xildhibaannada kale ee taageersan in ay la soo xiriiraan.

Dhinaca kale, warar soo baxaya ayaa tilmaamaya in Xafiisyada Madaxweynaha iyo Ra’iisul Wasaaraha ay wadaan dadaallo lagu fashilinayo mooshinka.

Wasiirka Gaadiidka iyo Dekadaha, C/Qaadir Maxamed Nuur Jaamac, oo ka falceliyay abaabulka socda, ayaa sheegay in qaylada ka jirta baraha bulshada ay shacabka ku filan tahay in ay ka jawaabaan, isaga oo ku eedeeyay mucaaradka “tabar la’aan” isla markaana tilmaamay in haddii ay awood hayn lahaayeen ay arrinta ku sugi lahaayeen fagaaraha Baarlamaanka.

Mooshino la mid ah kan hadda socda ayaa hore loogu doonay in xilka looga qaado Xamse Barre, hase ahaatee waxay ku dhammaadeen fashil, kadib markii Madaxtooyada Soomaaliya ay gashay dadaallo ka dhan ah.

WARARKII KALE

Dhageeyso Warka Habeenimo ee Radiojowhar 29/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Ugu yaraan 69 rakaab oo ku dhintay Doon ku sii jeedday jasiiradaha Canary ee Spain

Ugu yaraan 69 qof ayaa ku dhintay tiro kalena...

Wasiirka Arrimaha Dibadda Jabuuti oo gaaray Beledweyne

Wafdi balaaran ee uu hogaaminayay Wasiirka arimaha dibada ee...

Ra’iisul Wasaare Xamsa oo ka qaybgalay Kulanka Isku-xiridda Ganacsiga Soomaaliya iyo Shiinaha

Ra’iisul Wasaaraha Xukuumadda  Federaalka Soomaaliya, Xamsa Cabdi Barre, oo...

Soomaaliya iyo Yemen oo ka wadahadlay iskaashiga amniga

Danjiraha Safaaradda Dowladda Soomaaliya ee dalka Yemen Mudane Cabdixakiiim...

Liiska musharixiinta DG Waqooyi Barri iyo amaro amniga

Gudidda doorashada maamulka Waqooyi Bari ayaa soo saaray liiska...

NAGU SOO BIIR

16,000FansLike
523FollowersFollow
352SubscribersSubscribe

Latest Articles