Afhayeenka Wasaaradda Gaashaandhigga XFS Sheekh Abuukar Maxamed ayaa sheegay in ciidamada dowladda ay ku jiraan diyaargarow iyo abaabul sare oo ka dhan ah kooxaha Al-shabaab.
“Maalmaha soo socda shacabka Soomaaliyeed waxa ay maqli doonaan war ay ku farxaan oo ah in deegaano iyo degmooyin muhiim ah laga saari doono cadowga argagixisada”sidaasi waxaa yiri Afhayeenka Ciidanka Xoogga.
Afhayeenka oo sii wata hadaladiisa ayaa tilmaamay in dadaalada ugu badan ee loogu diyaargaroobayo kooxaha Al-shabaab ay ka socdaan gobolada Sh/Hoose,Sh/Dhexe iyo Galgaduud.
Sidoo kale Afhayeenka ayaa codsaday in shacabka ku dhaqan gobolada dalka ay ka qeybqaataan howlgallada cusub ee la doonayo in lagu qaado deegaanada fara-ku-tiriska ah ee ay ka joogaan kooxaha Al-shabaab.
