Maxkamadda Gobolka Banaadir oo xukuno adag ku riday todoba gabdhood oo caan ahaa

Maxkamadda Gobolka Banaadir ayaa maanta oo Axad ah xukun ku ridday 7 dhallinyaro ah oo Tiktoore ah, kuwaasi oo midkiiba lagu xukumay 6 bilood oo xarig ah. Dacwadda oo soo martay heerarkeeda kala duwan ayaa eedeysanayaasha oo ka koobnaa sagaal hablood, waxaa 7 ka mid ah lagu xukumay min lix bilood oo xabsi ah, halka labo ka mid ah ay maxkamaddu dib ugu celisay xorriyadooda.

Xukumanaayasha ayaa lagu helay dambiyo ku saabsan kicin dadweyne, hurinta dagaal sokeeye, iyo faafinta dhaqamada anshax xumada ah. Dadka xukunka lagu riday oo ah gabdho caan ka ah baraha bulshada ayaa kala ah Sihaam Tahliil, Nashaad Nal, Sacdiyo Galmudug, Iftin Model, Anjal, iyo Farxiyo Zoona.

Dowladda Soomaaliya ayaa sanadkii hore isku dayday in ay mamnuucdo isticmaalka barta TikTok, iyada oo mamnuuciddaas ay dhalisay cabasho ka timid dhalinyarada kuwaas oo ku tiirsan dakhli ay ka helaan TikTok. Qaar ka mid ah dhalinyarada ayaa ku doodaya in TikTok uu yahay madal ay kaga faa’iideystaan ganacsigooda, suuq-geynta, iyo abuurista nuxur madadaalo ah, taas oo u suurtagelineysa in ay helaan il dhaqaale oo muhiim u ah noloshooda

Xukunka maxkamadda ayaa waxa uu ku soo beegmayaa xilli bulshada Soomaaliyeed ay ka doodayaan saameynta baraha bulshada, gaar ahaan TikTok, oo noqday madal ay dad badan ku faafiyaan fikrado iyo dhaqamo kala duwan. Xeer-ilaalinta ayaa ku doodday in gabdhaha la xukumay ay ku xadgudbeen anshaxa bulshada iyo nabadgelyada guud, taas oo keentay in tallaabo sharci ah laga qaado.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles