Maraykanka oo ka fuliyay duqayn cirka ah gobolka Puntland

Taliska ciidamada Mareykanka ee qaaradda Afrika (AFRICOM) ayaa shaaciyay inuu fuliyay duqayn cirka ah oo ka dhacday gobolka Puntland, taas oo lagu bartilmaameedsaday xubno ka tirsan kooxda ISIS ee ku sugan waqooyiga Soomaaliya.

AFRICOM ayaa sheegay in weerarka uu ka dhacay meel qiyaastii 37 mayl (60 km) u jirta magaalada dekedda ah ee Boosaaso, oo ku taalla Gacanka Cadmeed.

Taliska ayaa sheegay in duqayntan lagu beegsaday xubno ka tirsan kooxaha argagixisada, balse ma uusan bixin faahfaahin rasmi ah oo ku saabsan khasaaraha dhabta ah ee dhacay.

Weerarkan ayaa qeyb ka ah howlgalada joogtada ah ee Mareykanku ka fuliyo gudaha Soomaaliya, gaar ahaan deegaanada ay ka howlgalaan kooxaha ISIS iyo Al-Shabaab.

Wararka ayaa intaas ku daraya in Maraykanku uu taageero siiyo ciidamada Puntland ee dagaalka kula jira kooxaha Daacish, maadaama maamulkaas uusan helin taageero toos ah oo ka timaada dowladda Federaalka ee Muqdisho.

Tani waxay ahayd duqayntii 81-aad ee Mareykanku ka fuliyo gudaha Soomaaliya sanadkan, taas oo muujineysa heerkii ugu sarreeyay ee weerarrada cirka ee uu dalka Mareykanka ka geysto Soomaaliya.

Maamulka Donald Trump ayaa jebiyay rikoodhkii hore ee duqaymaha sanadkii 2019, markaas oo la fuliyay 63 duqayn, taasoo muujineysa in sanadkan uu si weyn u kordhay cadaadiska militari ee Maraykanku saarayo kooxaha hubeysan ee ka dagaallama Soomaaliya.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles