Wasiirka Difaaca Israa’iil, Yisrael Katz, ayaa Khamiistii ku dhawaaqay in uu amar ku bixiyay in ciidamada ay xiraan xadka u dhaxeeya Israa’iil iyo Masar oo laga dhigo aag ciidan oo xiran, si looga hortago hubka sida qarsoodiga ah loogu soo geliyo marinka Qaza ee loo adeegsado diyaaradaha aan duuliyaha lahayn, sida uu sheegay
War qoraal ah oo uu soo saaray Katz oo lagu daabacay akoonkiisa Telegram-ka ayaa u dhignaa sidan: “Waxaan faray ciidamada IDF in dhulka ku dheggan xuduudka u dhexeeya Israa’iil iyo Masar laga dhigo aag ciidan oo xidhan, isla markaana la waafajiyo shuruucda dagaalka si looga hortago khatarta diyaaradaha aan duuliyaha lahayn ee halista ku ah amniga dawladda
Waxaa uu intaasi ku daray “in hubka sharci darrada ah ee loo adeegsado diyaaradaha aan duuliyaha lahayni uu qayb ka yahay dagaalka Gaza, ujeedaduna tahay in la hubeeyo cadawgeena, waana in la qaado tallaabo kasta oo lagu joojinayo” ayuu yiri
Xadka u dhaxeeya Israa’iil iyo Masar ayaa gaaraya ilaa 200 oo kilomitir, waxaana si adag loo ilaaliyaa si looga hortago hub iyo daroogo
