Puntland oo iska fogeysay in Boosaaso loogu duulo Dalka Suudaan

Warsaxaafadeed ka soo baxay maamulka Puntland ayaa waxaa ay iska fogeeyeen eedeyn uu wasiirka Gaashaandhigga Soomaaliya Axmed Macallin Fiqi u jeediyay, taasi oo aheyd in garoonka diyaaradaha magaalada Boosaaso ay ka baxaan diyaarado tago dalka Suudaan, kuwaasi oo qeyb ka ah dagaalka Sokeeye ee wadankaasi ka socda.

Dawladda Federaalka ah oo ay muddo xileedkeedii ka hareen bilo kooban, kuna fashilantay dhammaan shaqooyinkii loo igmaday waxay ku mashquushay oo shaqo maalmeed ka dhigatay “Dacaayad, been abuur iyo xasarad kicin”.

Dawladda Puntland waxay si cad u beeninaysaa inay wax lug ah ku leedahay dagaalka sokeeye ee ka socda Dalka Sudan iyo in garoonka (Airport) Boosaso looga duulo Dalka Sudan, waxayna Puntland si adag ugu cambaaraynaysaa Dawladda Federaalka ah oo dacaayad ceebayn ah iyo eedayn aan sal lahayn Puntland ku wadda.

Tani waa dacaayad riqiis ah oo lagu magac xumaynayo, laguna xagaldaacinayo guulaha taariikhiga ah ee ay Puntland ka gaartay dagaalka ka dhanka ah Argaggixisada Caalamiga ah ee buuraha Cal-miskaad ee Gobolka Bari. Eedayntaan iyo been abuurkaan waxay garab iyo gaashaan u tahay argagixisada ISIS iyo AS oo ay Puntland iyo saaxiibadeeda caalamiga ahi kula jiraan dagaal adag muddo sanad ah.

Sudan waa Dal aan walaalo nahay, waana ka xunnahay dagaalka sokeeye ee dhexdooda ka socda, waxaana u rajaynaynaa Nabad iyo xasilooni degdeg ah.

Dhinaca kale, Dawladda Federaalka Soomaaliya waxay qiratay in ay si qarsoodi ah maleeshiyaad uga qoronayso gudaha Puntland.

Haddaba, Dawladda Puntland waxay caddaynaysaa in aysan jirn wax ciidan ah oo sharci ah oo ka baxsan ciidamada Dawladda Puntland ee dastuuriga ah oo ay Puntland aqoonsan tahay inay joogaan gudaheeda, mana jiro heshiis amni (Securety architect) oo ka dhaxeeya Puntland iyo Dawladda Federaalka ah. Sidaa awgeed wixii dhib ah oo ka yimaadana maleeshiyada ay xukuumadda xamar qiratay in ay ka qoronaysa Puntland masuuliyadeeda iyada ayaa qaadaysa.

Ugu dambayn Dawladda Puntland waxay si weyn ugu mahad naqaysaa saaxiibadeeda Caalamiga ah ee ka caawiya dagaalka ay Puntland ka waddo buuraha Cal-miskaad ee Gobolka Bari ee ay ka mid yihiin USA, UAE, UK, Ethiopia iyo Kenya iyo Shacabka Reer Puntland gudo iyo dibadba oo markasta garab taagan dawladooda, la aantoodna aysan suuto-gal ahaateen in cadawga argagixisada ah laga guulaysto.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles