Warqad ka soo baxday wasiirka wasaaradda caafimaadka Soomaaliya Dr. Cali Xaaji Aadan ayaa lagu sheegay in xilkii laga qaaday agaasimaha guud ee isbitaalka Banaadir iyadoo agaasime cusubna loo magaacabay.
Agaasimaha guud ee Isbitaalka hooyada iyo dhallaanka ee Banaadir ayaa loo magacaabay Cabdirisaaq Shafir Cali.
Wasiirka caafimaadku wuxuu isbeddelkan ku sheegtay in “isbeddeladu qayb ka yihiin dadaallada lagu xoojinayo dareyeelka caafimaadka ee hooyada iyo dhallaanka Soomaaliyeed”
Tallaabadan ayaa timi ka dib markii dhacdo argaggax leh xalay ka dhacday afafka hore ee Isbitaalka iyadoo muuqaal la duubay uu muujiyey hooyo Soomaali ah oo ku hor foolanaysa isbitaalka Hooyada iyo Dallaanka ee Banaadir, oo sida muuqatay aanan helin daryeel degdeg ah oo caafimaad.
Arrintan waa mid murugo leh isla markaana ka hor imanaysa ka jawaabidda gargaarka degdegga ah ee adeegyada hooyada iyo dhalaanka” ayaa lagu yiri warsaxaafadeedka wasaaradda.
“Wasiirka caafimaadka dowladda federaalka, Dr Cali Xaaji Adam, isagoo ka duuaya mas’uuliyadda ka saran ilaalinta hooyada iyo dhallaanka, wuxuu amray baaritaan degdeg ah oo ku saabsan dhacdadan si loo xaqiijiyo sida ay wax u dhaceen”, ayaa intaas la raaciyay.
