Koofur Galbeed oo war ka soo saartay falka argagaxa lahaa ee ka dhacay Wanla-weyn

Maamulka Koofur Galbeed Soomaaliya ayaa si adag u cambaareysay falka waxashnimada ah ee lagu dilay qof shacab ah, kaas oo ka dhacay deegaanka Dadumaay, oo ku yaalla duleedka degmada Wanlaweyn ee gobolka Shabeellaha Hoose.

Falkan ayaa lagu tilmaamay mid argagax leh oo liddi ku ah qiyamka bani’aadantinimo, nabadda iyo wada-noolaanshaha bulshada, iyadoo dowladdu ay sheegtay in aan la aqbali karin falal noocan oo kale ah oo lagu carqaladeynayo amniga iyo xasilloonida shacabka.

Dowladda Koonfur Galbeed waxay ku eedeysay kooxaha ka dambeeyay falkaasi inay yihiin cadawga nabadda iyo horumarka bulshada, isla markaana ay ka go’an tahay in baaritaan buuxa lagu sameeyo dhacdadan si cadaaladda loo horkeeno cid kasta oo ku lug yeelatay.

Sidoo kale, Dowladda Koonfur Galbeed waxay sheegtay in aysan jiri doonin cid ka baxsan doonta sharciga, iyadoo ku adkeysay in la qaadi doono tallaabo adag oo lagula xisaabtami doono cid kasta oo lagu helo dambigan foosha xun.

Dowladda Koonfur Galbeed waxay tacsi tiiraanyo leh u dirtay ehellada iyo qoysaska marxuumkii ku geeriyooday falkaas, iyadoo Alle uga baryeysa inuu u naxariisto, jannadiisana ka waraabiyo.

Ugu dambeyn, Dowladda Koonfur Galbeed waxay ugu baaqday shacabka inay ka feejignaadaan kooxaha dhibaatooyinka hurinaya iyo kuwa doonaya inay cabsi iyo kala qoqob ku abuuraan bulshada, ayna si dhow ula shaqeeyaan laamaha amniga si looga hortago falal noocan oo kale ah.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles