Hoggaamiyaha maamulka Koofur Galbeed Sheekh Aadan Maxamed Nuur (Madoobe) ayaa maanta booqasho shaqo ku tagay Xarunta Taliska Qeybta 60-aad ee Ciidanka Xoogga Dalka Soomaaliyeed ee Magaalada Baydhabo.
Hoggaamiyaha ayaa waxaa Xarunta Taliska si diirran ugu soo dhaweeyey Saraakiisha Qeybta 60-aad ee Ciidanka Xoogga Dalka, oo uu hoggaaminayey Taliyaha Qeybta 60-aad, Gaashaanle Sare Isaaq Berdaale.
Intii uu booqashada ku guda jiray Hoggaamiye Shekh Aadan Madoobe ayaa kulan la qaatay Saraakiisha Qeybta 60-aad, isagoo ka dhageystay warbixin ku saabsan xaaladda amniga, howlaha Ciidanka iyo qorshayaasha lagu xoojinayo sugidda amniga Magaalada Baydhabo iyo guud ahaan Deegaanada Koonfur Galbeed.
Hoggaamiye Sheekh Aadan Maxamed Nuur (Madoobe) ayaa ku bogaadiyey Saraakiisha iyo Ciidamada Qeybta 60-aad dadaalka ay ugu jiraan gudashada waajibaadkooda qaran iyo ilaalinta amniga iyo badqabka shacabka.
booqashada Shaqo Hogaamiyaha Waxaa ku Wehlinayey Wasiirka Amniga, Agaasimaha Guud Madaxtooyada iyo Saraakiisha Ciidamada Qalabka Sida.
