Ciidamada Iran oo sheegay in ay rasaas digniin ah ku rideen Markab dagaal oo Mareykan ah

Waaxda xiriirka dadweynaha ee ciidamada Iran ayaa ku dhawaaqday in ciidanka badda ee dalkaasi ay rideen rasaas digniin ah oo ku wajahnay maraakiibta dagaalka ee Maraykanka nooca wax-burburiya ee ku sugnaa badda Cuman.

Telefishinka dowladda Iran ayaa sidoo kale baahiyay muuqaallo uu sheegay inay muujinayaan xilligii digniinta la bixiyay.

Muuqaalladaas waxaa ka muuqda qalab oo gantaal ridaya iyo sidoo kale daqiiqadda la diray diyaarad aan duuliye lahayn .

Bayaan ay ciidamada Iran soo saareen, oo lagu daabacay warbaahinta dowladda, ayaa lagu yiri:“Kadib digniino lagu bixiyay gantaalka Qadeer iyo diyaaradaha cusub ee weerarka qaada ee aan duuliyaha lahayn,maraakiibtii dagaalka ee soo galay aagga waxay ka baxeen Badda Cumaan iyagoo u jihaystay bad-weynta Hindiya”

Sida bayaanka lagu sheegay, tallaabadan ayaa lagu qaaday iyadoo lagu sheegay inay qayb ka tahay hawlgallada lagula dagaallamayo waxa Iran ku tilmaantay “qalalaasaha badda, dhibaateynta maraakiibta, iyo afduubka maraakiibta ganacsiga iyo kuwa shidaalka qaada” ee ay ku eedeysay ciidanka badda ee Mareykanka