Ugu yaraan 11 qof ayaa lagu dilay dibadbaxyada dowladda looga soo horjeeday ee ka dhacay Kenya, waxaana la xiray 567 qof, sida ay booliisku sheegeen.
Booliiska ayaa rasaas ku furay dibadbaxayaasha, Dr Aron Sikuku oo ah dhakhtar ka howlgala Eagle Nursing Home oo ku yaalla duleedka magaalada Nairobi uu warbaahinta BBC-da u sheegay meydadka labo qof oo u dhintay dhaawac ka soo gaaray rasaasta la keenay xarunta.
Waxay la sheegay in sidoo kale 52 askari oo booliis ah iyo 11 qof oo rayid ah la dhaawacay.
Golaha xuquuqda aadanaha ee Kenya ayaa qoraal uu soo saaray ku sheegay in tirada dhimashada ay gaarayso 10 qof.
Dibad-baxayaashu waxay dalbanayaan isla xisaabtan, maamul wanaag iyo cadaalad loo sameeyo dhibanayaasha ay booliiska u gaysteen naxariis-darrada, baaqaas oo socday tan iyo bishii June ee sannadkii hore.
Ra’iisul wasaarihii hore ee Kenya Raila Odinga ayaa isna ku baaqay in booliska lagu sameeyo isbeddello balaaran oo oo dib loogu dhisayo kalsoonidii u dhaxaysay shacabka iyo ciidanka amniga
