Guddoomiyaha gobolka Banaadir ahna Duqa magaalada Muqdisho Mudane Yuusuf Xuseen Jimcaale (Madaale) ayaa dhagaxdhigay waddo Laami ah oo laga hirgelinaayo degmada Daarusalaam ee gobolka Banaadir.
Duqa Muqdisho ayaa boogaadiyay iskaashiga ka dhaxeeya bulshada, ganacsatada iyo maamulka degmada ee lagu horumarinaayo kaabayaasha isku socodka waddooyinka, asigoona xusay in barnaamijka dalkaaga ku dhiso hal doolar loogu gol leeyahay in bulshada ay iyadu isku tashato isla markaana ay qeyb ka noqdaan horumarka dalka.
Munaasabadda dhagaxdhiga waxaa goobjoog ka ahaa gudoomiyaha degmada Daarusalaam Mudane Maxamed Cabdiraxmaan Maxamuud, Madax ka socotay Bangi gacan ka geysanaya dhismaha wadadaan iyo qeybaha kala gedisan ee bulshada degmada Daarusalaam.
Degmada Daarusalaam oo dhawaan degmo laga dhigay , ayaa horey u laheyd kaliya hal laami oo dheer oo taga xaafada casriga ah ee laga dhisay degmadaasi, waxa uuna laamigan maanta la dhagax dhigay noqonayaa kii labaad oo yeelaneyso Daarusalaam.
