War ka soo baxay dowladda Soomaaliya ayaa lagu sheegay in duqeyn ka dhacday degmada Aadan Yabaal ee Gobolka Shabeelada dhexe lagu dilay horjoogayaal iyo maleeshiyaad ka tirsan Al-shabaab.
Howlgalka ayaa waxaa uu ka dhacay guri ku yaala degmada Aadan Yabaal, halkaasi waxaa la sheegay inuu shi ugu socday horjoogayaasha iyo dagaalameyaasha Al-shabaab.
“Howlgal culus oo ay si wadajir ah u fuliyeen Ciidanka Hay’adda Sirdoonka iyo Nabadsugidda Qaranka (NISA) iyo Saaxiibada Caalamka ayaa lala beegsaday horjoogayaal ka tirsan khawaarijta oo ku sugnaa Degmada Aadan Yabaal oo kamid ah Gobolka Sh/Dhexe.” ayaa lagu yiri.
Sidoo kale waxaa intaasi lagu daray “Howlgalkaasi ayaa lagu fuliyay guri ku yaalla xaafadda Howlwadaag ee degmada Aadan Yabaal, halkaasi oo ay shir ku lahaayeen horjoogayaal ka tirsan Khawaarijta.”
Warka ayaa sidoo kale waxaa lagu yiri “Hoygaasi lagu weeraray horjoogayaasha ayaa warku intaa raaciyay in uu ahaa keydka qaraxyada iyo hubka culus ee kocdaasi,waxaana fabi ahaan la burburiyay gurigaasi iyo wixii ku jiray”.
