Cabdiqaadir Axmed Aw-Cali (Firdhiye) ayaa si rasmi ah loogu doortay Madaxweynaha Dowlad Goboleedka Waqooyi-Bari Soomaaliya, kadib doorasho maanta ka dhacday magaalada Laascaanood.
Doorashadan oo si weyn loo sugayay ayaa ku dhammaatay guul uu Firdhiye ku hantay codadkii ugu badnaa, waxaana uu helay 62 cod, halka musharraxii la tartamayay, Cabdirisaaq Khaliif Axmed ee oa haray Tartanka doorashada, uu helay 18 cod.
Guusha Firdhiye ayaa soo afjartay loolan siyaasadeed oo muddooyinkii dambe ka socday gudaha maamulka cusub, iyadoo la saadaalinayo in hoggaamintiisa ay horseedi doonto dejinta qorshayaasha dowlad goboleedka Waqooyi-Bari.
Waxaa hadda si toos ah loo guda gelayaa doorashada madaxweyne ku xigeenka maamulka, taas oo la filayo inay dhammaystirto hannaanka hoggaanka sare ee dowlad goboleedka cusub.
