Dowladda Sacuudiga iyo Imaaraadka Carabta ayaa si kulul u cambaareeyay weerarkii lala eegtay kolonyada madaxweynaha Soomaaliya, Xasan Sheekh Maxamuud, xili u uku sii jeeday jiidaha hore ee dagaalka.
Bayaan ay wasaaradda arrimaha dibedda Sacuudiga soo dhigtay barta X ee hore loo oran jiray Twitter, ayay ku sheegtay in Sacuudigu cambaareynayo weerarkaas lagu beegsaday kolonyada madaxweyne Xassan Sheekh.
โBoqortooyadu waxay mar kale xaqiijinaysaataageerada Jamhuuriyadda Federaalka Soomaaliya iyo shacabkeedaba ee ka hor tagga wax kasta oo khatar ku ah ammaankeeda iyo xasilloonideeda, iyadoo ku celinaysa mowqifkeeda adag ee ay ku diidayso dhammaan noocyada rabshadaha, falalka argagixisada, iyo xagjirnimada.โ, ayaa lagu yiri qoraalka wasaaradda.
Dhanka kale Imaaraadka Carabta ayaa isna kamid ah dalalka cambaareeyay weerar ee shalay lagu bartilmaameedsaday kolonyada mid ka mid ah gaadiidkaย madaxweyne Xassan Sheekh.
Sheekh Shakhboot Nahyan Al Nahyan, oo ah wasiiru-Dowlaha arrimaha dibedda Imaaraadka, ayaa sheegay in dalkiisu si adag u cambaareynayo falal dembiyeedyada noocan ah, isagoo carrabka ku adkeeyay in Imaaraadku uu mar walba kasoo horjeedo nooc kasta oo rabshado ah iyo falalka argagixisada ee ujeedkoodu yahay in lagu wiiqo amniga iyo xasilloonida, taas oo jebineysa sharciga caalamiga ah.
