Maamulka ayaa sheegay in ay mucaaradka u asteeyeen goobo gaar ah oo ay ku qabtaan banaanbaxooda, kuwaas oo kala ah Garoonka Koonis, Garoonka Muqdisho Stadium iyo Garoonka Jaamacadaha ee degmada Hodan.
Dhanka kale mucaaradka ayaa diiday, iyaga oo ku adkaysanaya in banaanbaxa uu ka dhaco guud ahaan Muqdisho, halkii lagu soo koobi lahaa goobo cayiman.
Arrintan ayaa dhalisay walaac ku saabsan suurtagalnimada isku dhac Ciidamada dowladda iyo kuwa mucaaradka, iyadoo ay dad shacabka ka barakacayaan qeybo kamid ah magaalada Muqdisho.
