Madaxweynaha Falastiiniyiinta, Maxamuud Cabbaas, ayaa laga hor istaagay inuu ka qeybgalo kalfadhiga guud ee Qaramada Midoobay ee bisha soo socota ka dhacaya New York, kadib markii isaga iyo 80 masโuul Falastiini ah lagala laabtay fiisayaashii ay ku tegi lahaayeen, sida ay sheegtay Wasaaradda Arrimaha Dibadda ee Mareykanka.
Xoghayaha Arrimaha Dibadda ee Mareykanka, Marco Rubio, ayaa ku eedeeyay masโuuliyiintaas inay carqaladeeyeen dadaallada nabadda isla markaana ay doonayaan โin si kali-talisnimo ah loo aqoonsado dowlad Falastiini ah oo aan la xaqiijin karin.โ
Goโaankan oo ay soo dhoweysay Israaโiil ayaa ah mid aan caadi ahayn, maadaama Mareykanka laga filaayay inuu fududeeyo socdaalka masโuuliyiinta dal kasta oo doonaya inuu booqdo xarunta Qaramada Midoobay.
Xayiraaddan ayaa timid iyadoo Faransiisku hogaaminayo dadaallo caalami ah oo lagu doonayo in lagu aqoonsado dowlad Falastiin leedahay inta lagu guda jiro kalfadhiga dhacaya, tallaabadaan oo si adag uu uga soo horjeeddo maamulka Donald Trump.
