Madaxweynaha Mareykanka Donald Trump ayaa sheegay “in uusan ku kalsoonayn” in heshiiska xabbad joojinta ee Qasa la sii wadi doono.
Isaga oo ka jawaabayey su’aalo uu weriye weydiiyey, Trump waxa uu yiri: “Taasi maaha dagaalkeenna, ee waa dagaalkooda. Laakiin kalsooni kuma qabo.”
Si kastaba ha ahaatee, waxa uu intaa ku daray in Xamaas ay “jilicday” isaga oo hadalkiisa sii raaciyay in “Qasa ay u ekaatay “meel burbur weyn soo gaaray”.
Donald Trump ayaa sheegay in “waxyaabo qurux badan laga samayn karo” Qasa, haddii qorshuhu horay u socdo.
