Friday, March 14, 2025

Maxaabiis Al Shabaab katirsan oo dil ku xukunnaa oo Xabsi ka baxsaday

Wararka ka imaanaya waqooyiga magaalada Gaalkacyo ee Puntland ayaa sheegaya in xalay xabsi kuyaalla magaaladaasi ay ka baxsadeen xubno katirsanaa kooxda Al Shabaab , kuwaa oo la sheegay in horey loogu riday xukunno dil iyo xabsi daa’in ah.

Sida aan wararka ku helnay 12-nin oo katirsanaa maxaabiis ku xirneed xabsiga saldhigga cirka ee waqooyiga Gaalkacyo ayaa baxsaday, laamaha ammaanka ayaana ku guuleestay in ay gacanta kusoo dhigaan 9-kamid ahaa raggii baxsaday.

Waxaana hadda ciidamada baadigoobayaan oo baxsad ku jira saddex nin oo katirsanaa maxaabiistii Al Shabaab ee xabsiga ku xirnaa, lamana soo sheegin ilaa hadda in ciidamada raggaasi xabsiga ka baxsaday ay soo qabteen.

Maxaabiista xabsiga baxsaday ee loo haysto in ay ka tirsan yihiin kooxaha argagixisada ah, ayaa horay wareysi laga qaaday ku sheegay in ay magaalada Gaalkacyo ku dileen dad kala duwan oo ay ku jiraan mas’uuliyiin dowladeed iyo odayaal.

Laamaha amniga ee maamulka Puntland ayaa saakay bilaabay baaritaanno ku saabsan cidda fududaysay baxsashada shakhsiyaadka katirsanaa Al Shabaab ee ku xukuman falalka argagixisada ee ka baxsaday xabsiga saldhiga cirka Gaalkacyo.

Maxaabiis Al Shabaab katirsaneyd ayaa sidan oo kale sannado kahor uga baxsaday xabsi kuyaalla waqooyiga magaalada Gaalkacyo, maxaabiistan qaarkood ayaa la toogtay halka kuwa kalana la qabtay, waxaana jiray kuwa kale oo baxsaday oo u galay Al Shabaab.

WARARKII KALE

MW Xasan Sheekh oo soo xiray Tartanka Quraanka Kariimka ah ee Bisha Barakaysan ee Ramadaan

Madaxweynaha Soomaaliya Xasan Sheekh Maxamuud oo soo xiray Tartanka...

RW Xamsa oo Boqolaal Dadweyne ah Kula Afuray Suuqa Bakaaraha

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi...

Madaxweyne Xasan Sheekh oo magacaabay lataliyaha sare ee arrimaha difaaca

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa...

Taliyaha Booliiska oo qabtay kulan looga hadlayey la dagaalanka AS

Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi...

Dhageeyso Warka Habeenimo ee Radiojowhar 13/03/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Madaxii Drones-ka ee Daacish oo lagu dilay Buuraleyda Cali-miskaad ee G/Bari

War ka soo baxay Taliska Hawlgalka Ciribtirka Argagixisada Puntland...

NAGU SOO BIIR

16,000FansLike
523FollowersFollow
352SubscribersSubscribe

Latest Articles