Madaxweynaha Dowladda Federaalka Soomaaliya, Dr. Xasan Sheekh Maxamuud, ayaa si rasmi ah ugu dhawaaqay furitaanka Gogosha Wadatashiga Siyaasiinta iyo Hoggaamiyeyaasha Bulshada, taas oo ka dhici doonta magaalada Muqdisho 15-ka Juun 2025.
Go’aankan ayaa ka dhashay wadatashiyo dhowr ah oo uu madaxweynuhu la yeeshay qaar ka mid ah madaxdii hore ee dalka, madaxda dowlad-goboleedyada, ururada siyaasadeed, iyo bulshada rayidka, si loo xoojiyo is-afgaradka siyaasadeed iyo midnimada qaranka.
Shirka ayaa diiradda lagu saari doonaa arrimaha hortabinta u leh dowlad-dhiska dalka, oo ay ka mid yihiin: Amniga iyo ciribtirka argagixisada, dimuqraadiyeynta iyo doorashooyinka, dhammeystirka dastuurka, midnimada dalka iyo dhab-u-heshiinta shacabka Soomaaliyeed.
Madaxweynuhu waxa uu ugu baaqay siyaasiinta iyo hoggaamiyeyaasha bulshada inay u diyaar garoobaan ayna si mug leh uga qeyb qaataan shirkan muhiimka u ah mustaqbalka siyaasadeed ee Soomaaliya.
Fududeynta arrimaha farsamada ee shirka waxaa loo xilsaaray guddi gaar ah oo uu hoggaaminayo Wasiirka Caddaaladda iyo Arrimaha Dastuurka, Mudane Xasan Macallin Maxamuud, kaas oo lala xiriiri karo wixii faahfaahin dheeri ah.
Warka ka soo baxay Madaxtooyada Soomaaliya ayaa u qornaa sidan:-
