Puntland oo qaylo-dhaan ka soo saartay abaar ba’an oo saameysay in ka badan hal milyan oo qof

Xukuumadda Puntland ayaa ku dhawaaqday in deegaannadeeda ay ka jirto abaar aad u daran oo saamaysay dad ka badan hal milyan oo qof, kuwaas oo ku nool gobollada Sool, Cayn, Sanaag, Haylaan, Bari, Raasicasayr, Karkaar, Nugaal iyo Mudug.

Madaxweyne Ku-xigeenka Ilyas Osman Lugatoor, oo ay weheliyaan xubno ka tirsan Golaha Wasiirrada, ayaa jeediyay baaq degdeg ah oo ku saabsan xaaladda abaarta, isagoo sheegay in kumannaan qoys ay wajahayaan xaalad adag oo ay ka dhalatay biyo la’aan, daaq la’aan iyo hoos u dhac ku yimid dhaqaalaha xoolo-dhaqatada.

Madaxweyne ku-xigeenka ayaa ugu baaqay dowladda federaalka Soomaaliya, hay’adaha samafalka iyo beesha caalamka in ay si degdeg ah u soo farageliyaan, si loo badbaadiyo nolosha dadka iyo duunyada ay abaaruhu halakeeyeen.

“Xaaladda abaarta waxay maraysaa heer ay u baahan tahay gurmad bini’aadantinimo oo degdeg ah, waxaana codsaneynaa in laga jawaabo baaqan inta aysan xaaladdu kasii darin,” ayuu yiri Madaxweyne ku-xigeenka Lugatoor.

Puntland ayaa sheegtay inay waddo qorshayaal lagu xoojinayo gurmadka gudaha, balse ay dadaalkeeda ku koobnaan doonaan inta ay heli karto taageero dheeri ah oo caalami ah, iyadoo abaartu ay sii kordheyso toddobaadyadii u dambeeyay.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles