Dalka Qatar ayaa dhamaadka bishan martigelin doona shir heer caalami ah oo lagu taageerayo howlgalka nabad ilaalinta Soomaaliya ee AUSSOM (African Union Somalia Mission).
Shirka ayaa diiradda saari doona sidii dhaqaale dheeraad ah loogu heli lahaa ciidamada nabad ilaalinta si ay u sii wadaan howlgalladooda nabad-dhisidda iyo la-dagaallanka argagixisada.
Shirkan ayaa la filayaa in ay ka qeybgalaan wakiillo ka socda Midowga Afrika, Qaramada Midoobay, dowladaha daneeya arrimaha Soomaaliya, iyo sidoo kale madaxda Dowladda Federaalka Soomaaliya.
Qatar, oo muddooyinkii dambe kaalin muuqata ka qaadanaysay arrimaha gobolka, ayaa ballan qaaday inay door muuqda ka ciyaari doonto dadaallada lagu xoojinayo amniga Soomaaliya.
Qaramada Midoobay ayaa si degdeg ah ugu baaqday in la helo $41.6 milyan oo dheeraad ah si loo xoojiyo howlgalka cusub ee Midowga Afrika ee taageerada iyo xasillinta Soomaaliya (AUSSOM),
Dowladda Mareykanka ayaa si weyn uga soo horjeestay inay wax lacag ah ku bixiso howlgalka AUSSOM iyada oo la adeegsanayo qaabka 2719, isagoo sheegay in Soomaaliya aysan u qalmin qaabkaas, islamarkaana la doonayo habab kale oo maalgelin ah.
