Guddoomiyaha Gobolka Banaadir ayaa kulan looga hadlaayay Amniga Caasimadda iyo furista Waddooyinka xiran la qaatay Hey’addaha amniga gobolka Banaadir
Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa guddoomiyay kulan loogu hadlaayay dar-dargelinta Amniga Caasimadda, isku xirka bulshada iyo Hey’addaha Amniga, Furista waddooyinka xiran, Taageerida Ciidanka iyo u diyaar garowga Doorashooyin ka qabsoonta Magaalada Muqdisho.
Kulanka oo uu goobjoog ka ahaa Guddoomiye Kuxigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh) ayaa warbixin loogu dhageystay Taliyeyaasha Qeybta Guud ee Booliska, Nabadsugidda iyo Police Millitary, kuwaasi oo soo bandhigay guulaha dhinaca Amniga ee Magaalada Muqdisho iyo qorsheyaasha xasilinta Caasimadda.
