Warsaxaafadeed kasoo baxay taliska ciidamada Ciidanka xoogga dalka ayaa lagu sheegy in Ciidamada Cirka oo ku socda xuuraanka hayโadda sirdoonka NISA ay fuliyeen duqeyn ay la kaashadeen Saaxiibada caalamka, taasoo lagu qaaday horjoogayaal iyo maleeshiyo ka tirsan kooxda al-shabaab.
Howlgalka duqeynta ahaa ayaa ka dhacay degaanka lagu magacaabo Maalin Nugur Degmada Ceel-Buur ee Gobolk Galguduud.
Sida lagu sheegay war saxaafadeedka taliska xooga dalka Howlgalkan oo lagu bartilmaameedsaday xubno sar sare oo ka tirsan kooxaha AS, ayaa lagu dilay 9 horjooge oo magacyadooda la xusay waxayna kala yihiin.
1. Axmed Macalin โ Horjoogihii Alshabaab ee degmada Ceel-Buur.
2. Abuu Salmaan โ Horjoogihii deegaanka Ceel-Garas, Galgaduud.
3. Xuseen Cali Badal โ Horjoogihii deegaanka Xindheere.
4. Budul Faarax Geedi โ Horjoogihii deegaanka Xiindheere.
5. Sakariye โ Horjooge ka tirsanaa argagixisada Galgaduud.
Sidoo kale, howlgalka waxaa lagu bartilmaameedsaday horjoogayaal xubno kale oo ka shaqeeynayay abaabulka bulshada degaanadaasi kuwaasi oo ay kamid yihiin.
1. Mire Cagdheer
2. Muuse Cumar
3. Axamed U Rur
4. Xaaji Bashiir
Duqeyntaan ayaa daba socota weerar ciidanka macawiileyda ay ku qaadeen tuulada Bay caadle ee gobolka galgaduud oo ay ku sugnaayeen xubno oa tirsan AS waxaanada halkaasi ka dhacay dagaal xoogan, sida ay warkooda ku sheegeen taliska ciidanka xooga dalka.
โTaliska CXDS wuxuu xaqiijinyaa in howlgalkan uu daba socdo weerarkii taariikhdu markii ay ahayd 13-kii Maarso 2025, markaas oo geesiyaasha Macawiisleyda degaanka ay si toos ah ula dagaalameen khawaarijti ku sugnaa tuulada Bay-Caadle.โ Ayaa lagu yiri warka kasoo baxay taliska ciidanka xooga.
โUjeedka horjoogayaashu ay ugu sugnaayeen Maalin Nugur ayaa la xiriiray isku day ay ku doonayeen in ay ku cadaadiyaan shacabka Soomaaliyeed si ay ugu biiraan maleeshiyaadka argagixisada, iyaga oo baadi-goob ugu jiray geesiyaashii Macawiisleyda ee wararka ku qaadayโ Ayaa mar kale lagu yiri warka kasoo baxay taliska ciidanka xooga soomaaaliyeed.
Ma jiraan warar madax bannaan oo laga helay qasaraha gaaray Alshabaab., balse 48-kii saac ee ug danbeeyay waxaa xoogeystay duqeymaha lala beegsaday xarumaha Alshabaab ee Hirshabeelle iyo Galmudug.
