Magaalada Muqdisho waxa saacado badan kaddib lagu guuleystay in la damiyo dab ka kacay suuqa labaad ee ugu weyn magaalada Muqdisho ee Suuq Bacaad kaas oo ku yaala degmada Yaaqshiid.
Waxa la soo weriyay in dabka ay ku dhimatay gabar yar. Dabka ayaa sidoo kale baabi’iyay qaybo ballaaran oo kamid ah suuqa.
Dhanka kale, burbur hantiyadeed oo aan caadi ahayn ayaa laga soo sheegaya suuqa waloow aanan weli la sheegin sheegin khasaaraha hantiyadeed ee uu dabkaasi sababay.
Dabkan oo socday saacado badan ayaa bilowday abaare 5-tii galabnimo ee shalay, kaas oo si fudud ugu fiday qeybaha kale ee suuqa.
Qeybta maacuunta ayaa lagu soo warramaya inuu baa’baay.
Saaka Suuqa Dad badan ayaa buux dhaafiyay, kuwaasi oo isugu jira Ganacsatada suuqa iyo dad shacab ah, waxaa ayna qiimeynayaan dhibaatadii hantidooda ka soo gaartay Suuqa.
