Maleeshiyaadka AL-shabaab ayaa saaka weerar saddex jiho ah ku qaaday Degmada Aadan Yabaal ee gobolka Shabeelaha Dhexe, sida ay sheegeen dadka deegaanka.
Weerarka ayaa marka hore ku bilowday qaraxyo, kadibna waxaa xigay dagaal toos oo dhexmaraya ciidamada xoogga iyo Al-shabaab.
Dagaal xoogan ayaa waqtigaan ka socda banaanka hore ee degmada Aadan Yabaal, iyadoo weerarka uu ku bilowday Qaraxyo waaweyn.
Ciidanka Dowladda iyo kuwa deegaanka ayaa wali iska caabinaya weerarka ay soo qaadeen Al-shabaab Waxaana warar kala duwan sheegayaan in hub culus laga maqlayo gudaha iyo banaanka degmada Adan Yabaal
Ma cadda khasaaraha rasmiga ah ee ka dhashay dagaalka ka socda degmada Aadan Yabaal ee Gobolka Shabeelada Dhexe.
