Ururka Caafimaadka Adduunka ayaa ka digay in nafaqo-xumada ay gaartay “heerarka ugu sarreeya” ee Qasa iyadoo xaaladdu ay marayso “meel khatar ah”, inkastoo gargaarka hawada laga soo dejinayo ay dib uga billowdeen Marinka.
Jordan ayaa sheegtay in ay la shaqeysay Imaaraatka Carabta ayna 25 tan oo gargaar ah ku daadisay Qasa Axaddii ka dib markii Israa’iil ay billowday waxa ay ugu yeertay “hakin xeeladeed” oo dagaalka ah.
Israa’iil waxay sheegtay inay joojinayso hawlgallada milatari ee 10 saacadood maalintii ee qaybo ka mid ah Qasa ayna u oggolaan doonto marinnada gargaarka ee kolonyada Qaramada Midoobay, si ay “u beeniyaan sheegashada beenta ah ee gaajada ula kaca ah”.
Madaxa gargaarka ee Qaramada Midoobay Tom Fletcher ayaa Axaddii xaqiijiyay in xayiraadaha dhaqdhaqaaqa qaarkood ay u muuqdeen inay fududeysay Israa’iil.
Xigasho-BBC
