Madaxweynaha Taiwan Lai Ching-te ayaa wacad ku maray inuu difaaci doono madax-bannaanida Taiwan ka dib markii Shiinuhu uu dhoolatus milatari ka sameeyay jasiiradda iskeed isu maamusha, taas oo Beijing ay sheeganayso inay iyadu leedahay.
Khudbad uu telefishinka ka jeediyay Maalinta Sannadka Cusub, Mr. Lai ayaa sidoo kale ballanqaaday inuu xoojin doono difaaca qaranka. Wuxuu sheegay in bulshada caalamku ay daawanayso si loo arko in dadka Taiwan ay leeyihiin go’aanka ay isku difaacayaan.
Hadalladiisu waxay yimaadeen maalin kadib markii Shiinuhu sameeyay dhoolatus ciidan oo ka dhacay agagaarka Taiwan, kaas oo loogu talagalay in lagu muujiyo xannibaad lagu sameeynayo dekedaha muhiimka ah, isla markaana la adeegsaday diyaarado dagaal iyo maraakiibta ciidamada badda.
