Ciidamada ammaanka Turkiga ayaa sii wada baadi-goobka dagaalyahanno Islaami ah oo looga shakisan yahay inay ku lug lahaayeen iska horimaad dhimasho sababay oo Isniintii dhex maray iyaga iyo meleeshiyaad kaas oo lagu dilay saddex askari.
Wasiirka Arrimaha Gudaha, Cali Yerlikaya, ayaa ku dhawaaqay in 125 qof oo kale oo looga shakisan yahay inay ka tirsan yihiin kooxda Daacish la xiray shalay, kaddib howlgallo wadajir ah oo ay fuliyeen ciidamada ammaanka.
In ka badan 500 oo qof ayaa la xiray tan iyo markii ay mas’uuliyiintu toddobaadkii hore sheegeen inay heleen xog sirdoon oo ku saabsan weerar la qorsheynayay xilliga Kirismaska iyo Sannadka Cusub.
