Guddiga doorashooyinka Qaranka ayaa shaaciyay Magacyada xubnaha ku soo baxay golaha deegaanka ee 16ka Degmo ee doorashooyinkooda ay ka qabsoomeen magaalada Muqdisho 25kii bishii hore.
Urur siyaasadeedka uu hoggaamiyo Madaxweyne Xasan Sheekh Maxamuud ayaa helay 177 xubnood Goleyaasha deegaanka ee Gobolka Banaadir, halka 49 xubnood uu helay Urur siyaasadeedka Towfiiq kaasi oo hoggaamiye ka yahay Sheekh Shaakir Cali Xasan Madaxii Ahlusunada Gobolada dhexe.
Sidoo kale ururka Ramaas ayaa waxay heleen Tirada Saddexaad ee ugu badnaa kaasi oo 42 xubnood ka helay doorashooyinka dhacay.
Xubnaha la shaaciyay 390 xildhibaan deegaan ah ayaa waxaa la sheegay in 291 ka mid ah ay rag yihiin, halka dumarka ay heleen 99 xuxubnood.
Shaacinta magacyada ayaa ku soo aadaysa, xilli maalmaha soo socdo la filayo in xubnahaan ay degma waliba u doortaan Guddoomiye, ku xigeeno iyo xoghayeyaal.
