Golaha Ammaanka Qaramada Midoobay ayaa soo saarey Qaraar Wax ka badel lagu sameeyay cunaqabataynta hubka somalia dhowaan laga qaaday.
wuxuu ku saabsan yahay Golaha Ammaanka ee Qaramada Midoobay oo si wadajir ah u ansixiyay Qaraarka 2775 (2025) si loo xoojiyo cunaqabateynta hubka ee saaran Soomaaliya.
Qaraarkan cusub wuxuu dib u cusboonaysiinayaa oggolaanshaha dalalka xubnaha ka ah Qaramada Midoobay inay baaraan maraakiibta ku sugan biyaha Soomaaliya iyo badweynta furan, gaar ahaan kuwa laga shakiyo inay sidaan dhuxul ama hub sharci-darro ah, oo ay ku jiraan agabka qaraxyada la farsameeyo.
Sidoo kale, qaraarku wuxuu oggolaanayaa in la qabto oo la baabi’iyo waxyaabaha sharci-darrada ah ee lagu ogaado baaritaannadaas, iyadoo dhuxusha la qabto la iibin karo, lana soconayo kooxda kormeerka ee Soomaaliya iyo Eritrea.
Tallaabooyinkan ayaa loogu talagalay in lagu xakameeyo dhaq-dhaqaaqyada Daacish iyo Al-Shabaab ee khatar ku ah nabadda iyo amniga gobolka, oo ay ku jiraan falalka argagixisada.
