Hogaamiyaha mucaaradka Israa’iil Yair Lapid ayaa sheegay Jimcihii inuu kula kulmay wasiirka arrimaha dibadda Imaaraatka Abu Dhabi, ayna ka wada hadleen dadaalada lagu xaqiijin karo xabbad joojin ka dhacda Qaza.
Lapid ayaa kusoo daabacay sawir ay ku wada jiraan isaga iyo Sheekh Cabdullaahi bin Zayed barta X, isaga oo sheegay, ‘’Waxaan la joogaa saaxiibkeey, wasiirka arrimaha dibadda Imaaraatka, oo habeen hore [Khamiis] kula kulmay Abu Dhabi. Waxaynu ka wada hadalnay horumarada ka socda gobolka iyo dadaalada lagu gaarayo heshiis ka dhaca Qaza iyo soo celinta lahaystayaasha’’.
Wakaalada wararka rasmiga ee Imaaraatka, WAM, ayaa xaqiijisay kulanka Lapid iyo Sheekh Cabdullaahi, laakiin ma aysan magacaabin la kulanka madaxweynaha Imaaraatka Sheekh Maxamed bin Zayed Al Nahyan, kaasi oo Lapid uu sheegay inuu sidoo kale kula kulmay Abu Dhabi
