Doorasho qof iyo Cod ah ayaa saaka looga dareeray degmooyin ka tirsan Maamulka Puntland, kuwaasi oo si habsami leh ay dad weynuhu u dhiibanayaan codadkooda.
Seddex degmo oo ka tirsan Gobolka Nugaal ayaa saaka aroornimadii safaf loo galay doorasho qof waliba uu codkiisa xor u yahay, laguna dooranayo goloyaasha deegaanka.
Degmooyinka ayaa kala ah Dangorony, Garoowe iyo Godobjiran, horay ayay u baaqatay doorashadii loo asteeyay degmooyinkaasi, taasi oo ay dib u dhigeen khilaaf xooggan oo xiligaasi sababay in gabi ahaanba seddexda degmo ay ka haraan doorashooyinkii qof iyo codka ahaa ee Golayaasha degaanka, balse saaka ayay shacabku u dareereen doorashadii horay kaga baaqatay.
Waxaa markii hore la qorsheeyey in doorashada ay ka dhacdo 37 degmo oo ka tirsan Puntland. balse seddexdaas degmo doorashadu kama dhicin, Sababta ayaana ahayd in xilligaas agabka doorashada uu gacanta u galay dad caraysan iyo meelaha qaar oo khilaaf siyaasadeed uu ka jiray.
