Shirweynaha lagu dhameystirayo maamulka SSC Khaatumo ayaa maanta ka furmo magaalada Laascaanood ee gobolka Sool, kaasi oo maalmihii ugu dambeeyay diyaar garowgiisa uu socday.
Ammaanka magaalada Laascaanood ayaa si aad ah loo adkeyay waxaana waddoyiinka lagu arkayaa ciidamo gaar ah oo sugaya amniga.
Wararka ayaa sheegaya in ergooyiinka shirka ka qeybgalaya qaar ka mid ah ay soo gaareen magalada laascaanood.
Sidoo kale Wasaaradda Amniga SSC-khaatumo oo warsaxaafadeed soo saartay ayaa shaacisay habraac amni oo ku saabsan Shirka Dhammaystirka Maamul dhiska Khaatumo oo ka furmaya magaalada Laascaanood.
Wasaaradda Amniga SSC-khaatumo waxay sheegtay in ay magaalada Laascaanood ka reebban tahay in hub lala dhexmaro ama ciidan hubaysan soo galo laga bilaabo Maanta oo Khamiis ah, islamarkaana waxay Dhammaan Gaadiidka Ciidanka Daraawiishta SSC-Khaatumo fartay in aysan la soo gelin wax Gaadiid ah gudaha Laascaanood.
Shirka ayaa ku soo beegmaya xilli uu khilaaf xooggan ka taagnaa hanaanka iyo qaabka loo marayo maamul u sameynta SSC Khaatuma.
