Wafdi uu hoggaaminayo Wasiirka Arrimaha Gudaha xukuumadda Soomaaliya Cali Xoosh iyo Guddoomiye ku xigeenka labaad Aqalka Sare Senator Cabdullaahi Cali Xirse Timacadde ayaa maanta magaalada Laascaanood ee gobolka Sool.
Sidoo kale wafdiga ayaa waxaa ka mid ah wasiir Cabdullaahi Bidhan iyo masuuliyiin kale, kuwaasi oo halkaasi u tagay in ay ka qeyb galaan shirka dhismaha maamulka SSC Khaatuma oo maanta ka furmaya Magaalada LAascaanood ee gobolka Sool.
Ammaanka magaalada Laascaanood ayaa si weyn loo adkeeyay, iyadoona la arkayo ciidamo badan oo lagu soo daadiyay wadooyinka magaaladaasi, kuwaasi oo si weyn u sugaya amniga goobta uu ka dhacaya shirweynaha lagu dhameystirayo maamulka SSC Khaatuma.
Shirka ayaa ku soo aadaya xilli uu khilaaf xooggan ka taagan yahay hanaanka iyo qaabka loo marayo maamul u sameynta SSC Khaatuma.
