Sunday, August 31, 2025

Shirweynaha lagu dhameystirayo maamul u sameynta SSC Khaatumo oo maanta ka furmaya Laascaanood

Shirweynaha dhamaystirka ee dhismaha maamulka SSC-Khaatumo ayaa maanta ka furmaya magaalada Laascaanood, kadib markii xal laga gaaray khilaafkii maalmahan taagnaa.

Shirkan maanta ka dhacaya gudaha magaalada Laascaanood, ayaa diiradda lagu saaraya hirgelinta hannaanka maamulka, dejinta habraacyo sharciyeed, iyo diyaarinta dariiq loo maro dhismaha dastuurka maamulka cusub.

Sidoo kale shirkan ayaa wajahaya muran iyo diidmo siyaasadeed, waxaana arrintan walaac ka muujiyay musharixiinta u taagan xilka madaxtinimada ee maamulkaasi , iyagoo markaasi ka horyimid qabsoomidda shirweynaha.

Sidoo kale, musharraxiin kale ayaa dhaliilay habka loo maamulay diyaargarowga shirka, iyagoo sheegay in uu yahay mid aan loo dhammayn, inkastoo cabashadooda la xaliyay.

Shirweynahaan ayaa ka mid ah jadwal ay horay u dejisay Wasaaradda Arrimaha Gudaha,Federaalka iyo Dib-u-heshiisiinta, kaasoo lagu wado in geeddi-socodka dhismaha maamulka SSC-Khaatumo lagu soo gabagabeeyo inta lagu jiro bisha Luulyo 2025.

Ammaanka magaalada Laascaanood ayaa maanta si weyn loo adkeeyay, iyadoona goobta uu ka furmayo shirka la dhigay ciidamo aad u fara badan, kuwaasi oo sugaya ammaanka goobta shirka.

Sidoo kale wadooyinka ayaa lagu arkayaa ciidamo kale oo dheeri ah.

Isimmada dhaqanka ee SSC-Khaatumo ayaa iyaguna isku khilaafay shirweynaha lagu dhameystirayo maamulka. Isimmada ayaa u kala jabay laba garab: kuwa taageersan hoggaanka maamulka SSC iyo kuwo taabacsan siyaasiyiinta iyo musharrixiinta mucaaradka.

Waxaa maanta isha lagu hayaa natiijada ka soo bixi doonto shirka maanta, iyadoona si weyn loo sugayo.

WARARKII KALE

Dhageeyso Warka Habeenimo ee Radiojowhar 31/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Guddoomiye Muungaab oo 48-saac u qabtay inay ku dhammayso shirkada dhisaysa wadada Soobe ee Magaalada Muqdisho.

Guddoomiyaha Maamulka Gobolka Banaadir ahna Duqa Muqdisho, Dr. Xasan...

Maxkamadda Ciidamada oo Xukun Dil ah ku Riday Ex Dable NISA Maxamed Buulle Muumin

Maxkamadda Darajada Koowaad ee Ciidamada Qalabka Sida ayaa maanta...

Madasha Samatabixinta: “Doorashada uu Xasan Sheekh ka wado Banaadir waa sharci darro halis leh”

Warsaxaafadeed ka soo baxay madasha Samatabixinta Soomaaliyeed ayaa waxaa...

DFS oo ku dhawaaqday in la dhameystiray dhismaha DG Waqooyi Bari

Warsaxaafadeed ka soo baxay wasaarada arrimaha gudaha ee Xukuumadda...

Xeer Ilaaliyaha Guud ee Qaranka oo digniin kasoo saaray dadka aflagaadada iyo sucad dilka kawada baraha bulshada

Xafiiska Xeer Ilaaliyaha Guud ee Qaranka ayaa sheegay inuu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles