Madaxweynaha Mareykanka, Donald Trump, ayaa Axaddii sheegay inuu geyn doono gantaallada difaaca cirka ee Patriot dalka Ukraine, isagoo sheegay inay lagama maarmaan u yihiin difaaca dalkaas maadaama Madaxweynaha Ruushka, Vladimir Putin, “si fiican ayuu u hadlaa, fiidkiina waxbuu duqeeyaa.”
Trump ma uusan sheegin tirada gantaallada Patriot ee uu qorsheynayo inuu u diro dalka Ukraine, balse wuxuu sheegay in dib loo siin doono kharashkooda oo uu Midowga Yurub uu bixin doono. Madaxweynaha Mareykanka ayaa sii muujinaya niyad-jabkiisa ku wajahan Putin, maadaama hoggaamiyaha Ruushka uu ka dhego-adaygay dadaallada Trump ee lagu doonayay in lagu helo xabbad-joojin u dhexeysa Ukraine iyo Ruushka.
Madaxweynaha Ukraine, Volodymyr Zelenskiy, ayaa dalbaday hub difaac oo dheeraad ah si dalkiisu isaga difaaco weerarrada joogtada ah ee gantaallada iyo drones-ka kaga imanaya Ruushka.
