Madaxweynaha Soomaaliya Xasan Sheekh Maxamuud ayaa booqday xarunta tekloojiyadda difaaca Turkey ee looyaqaan Özdemir Bayraktar National Technology Center.
Xasan Shiikh waxaa halkaas kula kulmay madaxda shirkada BAYKAR oo soo saarta diyaaradaha dagaalka Turkey.
Sawirro ay shirkadu baahiday waxaa lagu arkay madaxweynaha Soomaaliya oo gacanta ku haaya sawirka diyaarada Bayraktar KIZILELMA fighter jets oo shirkadaan soo saarto. Hadaba diyaaradaan waa mid nuucee ah?
Shirkadda Baykar ee Turkiga ayaa soo saartay Bayraktar KIZILELMA, diyaarad dagaal oo aan duuliye lahayn oo casri ah, laguna qalabeeyay tiknoolajiyadda qarsoodiga ah (stealth). Diyaaraddan ayaa leh xawaare sare, awood ay ku qaadi karto hub culus, isla markaana fulin karta weerarro toos ah iyo howlgal sirdoon.
KIZILELMA ayaa si weyn uga awood badan Bayraktar TB2 iyo Akinci, iyadoo ah diyaaraddii ugu hormarsaneed oo la tartami karta diyaaradaha dagaalka ee duuliye leh. Diyaaraddan ayaa la filayaa inay bedesho habka dagaal ee mustaqbalka.
