Friday, August 29, 2025

Wasaarada Gaashaandhiga Soomaaliya oo taageertay talaabada gacanta lagu soo dhigay kiis la xiriira maalgelinta argagixisada

Wasaaradda Gaashaandhigga ee Dowladda Federaalka Soomaaliya ayaa si weyn u bogaadisay dadaalka muuqda ee uu qaaday Xafiiska Xeer Ilaaliyaha Guud ee Qaranka, kaas oo lagu baaray in ka badan 250 kiis oo la xiriira lacag-dhaqid iyo maalgelin si toos ah u taageerayay kooxda Khawaarijta Al-Shabaab.

Tallaabadan muhiimka ah ayaa qeyb ka ah istiraatiijiyadda dowladda ee lagu burburinayo awoodaha milatari, dhaqaale iyo maskaxeed ee ay kooxda argagixisada ah ku dhisan tahay. Sida lagu sheegay warbixinta rasmiga ah, waxaa la baaray in ka badan 3,500 akoon bangi, iyadoo la xannibay lacag dhan hal milyan oo doolar ($1,000,000), taasoo si cad u muujinaysa guul weyn oo laga gaaray wiiqista halbowlayaasha dhaqaale ee Khawaarijta.

Wasaaradda Gaashaandhiggu waxay si gaar ah ugu ammaaneysaa hay’adaha dowladda ee ka shaqeeyay baaritaannadan, kuwaasoo si firfircoon uga qeyb qaadanaya dagaalka guud ee lagu ciribtirayo Khawaarijta. Dadaalladaasi waxay si buuxda u garab taagan yihiin howlgallada geesinimada leh ee ay wadaan Ciidanka Xoogga Dalka Soomaaliyeed (CXDS) iyo laamaha kale ee amniga.

“Dagaalka lagula jiro Khawaarijta ma ahan oo kaliya mid ciidan iyo qori lagu wajahay, ee waa halgan qaran oo dhinacyo badan leh. Dhaqaale ahaan, fikir ahaan iyo bulsho ahaanba waa in lala dagaallamaa,” ayaa lagu yiri war-saxaafadeedka Wasaaradda.

WARARKII KALE

Dhageeyso Warka Habeenimo ee Radiojowhar 29/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Ugu yaraan 69 rakaab oo ku dhintay Doon ku sii jeedday jasiiradaha Canary ee Spain

Ugu yaraan 69 qof ayaa ku dhintay tiro kalena...

Wasiirka Arrimaha Dibadda Jabuuti oo gaaray Beledweyne

Wafdi balaaran ee uu hogaaminayay Wasiirka arimaha dibada ee...

Ra’iisul Wasaare Xamsa oo ka qaybgalay Kulanka Isku-xiridda Ganacsiga Soomaaliya iyo Shiinaha

Ra’iisul Wasaaraha Xukuumadda  Federaalka Soomaaliya, Xamsa Cabdi Barre, oo...

Soomaaliya iyo Yemen oo ka wadahadlay iskaashiga amniga

Danjiraha Safaaradda Dowladda Soomaaliya ee dalka Yemen Mudane Cabdixakiiim...

Liiska musharixiinta DG Waqooyi Barri iyo amaro amniga

Gudidda doorashada maamulka Waqooyi Bari ayaa soo saaray liiska...

NAGU SOO BIIR

16,000FansLike
523FollowersFollow
352SubscribersSubscribe

Latest Articles