Ciidanka Xoogga Dalka Soomaaliyeed, ayaa howlgallo qorshaysan oo ka dhan ah maleeshiyaadka Al-shabaab waxaa ay ka fuliyeen deegaano ka tirsan gobolka Shabeellada Hoose.
Howlgalka ayaa ka dhacay deegaanka Cumar Beere iyo deegaano kale, waxaana ciidanku ku guuleysteen in ay soo saaraan miinooyin ay Al-shabaab ku aaseen wadooyin ay isticmaalaan shacabka deegaanka, si ay ugu dhibaateeyaan.
Ciidanka geesiyaasha ah ee Xoogga Dalka ayaa miinooyinkaas burburiyay, iyagoona weli baaritaano iyo howlgal culus ka wada deegaankaasi.
