Shan saacadood kadib, Donald Trump iyo Vladimir Putin ayaa ka dhoofay shirkii Alaska iyaga oo aan la gaarin heshiis lagu soo afjarayo dagaalka Ukraine.
- Donald Trump ayaa soo qoray “KULAN SARE!!!” fariin kooban oo uu baraha bulshada ku soo daabacay, ka hor inta uusan u ambabixin Alaska isaga oo raacaya diyaaradda Air Force One
- Waxa uu la hadlayay saxafiyiinta isaga oo saaran diyaaradda, isaga oo sheegay in dhul isdhaafsi laga wadahadli doono, laakiin taasi ugu dambeyntii ay noqon doontaa go’aan u yaalla dadka reer Ukraine, oo uusan isagu u gali doonin gorgortan.
- Volodymyr Zelensky, madaxweynaha Ukrain kama qaybgelin kulanka, laakiin qoraal uu soo dhigay X ayuu ku sheegay in kulanku yahay “runtii, mid sare” iyo “waxaanu ku xisaabtamaynaa Maraykanka”, isaga oo intaa ku daray inuu doonayo in wadahadalku furmo si loo aado “dhabo lagu gaaro nabad cadaalad ah”
- Wali si toos ah ugama aynaan maqal dhanka Putin maanta, balse afhayeen u hadlay Kremlin-ka ayaa sheegay in Trump uu kula kulmi doono Putin jaranjarada diyaaradda madaxweynaha Ruushka, taasoo ay sheegeen inay imaan doonto Alaska 11:00 xilliga gudaha dalka Maraykanka.
- Waxa ay sidoo kale sheegeen in kulanka labada hogaamiye uu qaadan karo ilaa 7 saacadood
- Wasiirka arrimaha dibadda ee Ruushka Sergei Lavrov ayaa ka mid ah shan sarkaal oo Ruush ah oo ka qayb galaya shir madaxeedka – waxa uu soo baxay isagoo xiran shaarka “USSR” wuxuuna sheegay in wafdiga Ruushku uu leeyahay “mowqif cad oo la fahmi karo”
