Waxaa maanta magaalada Laascaanood lagu soo gabagabeeyay doorashada Guddoonka Baarlamaanka Dowlad Goboleedka Waqooyi Bari Soomaaliya, iyadoo lagu doortay guddoomiye ku-xigeennada koowaad iyo labaad ee golaha.
Amran Axmed Xasan ayaa ku guuleysatay xilka Guddoomiye ku-xigeenka koowaad ee Baarlamaanka kadib tartan adag oo ay la gashay musharrax Axmed Maxamed Axmed. Amran waxay kasoo jeeddaa gobolka Sanaag, waxaana guusheeda loo arkay mid astaan u ah kaalinta haweenka ee hoggaanka siyaasadeed ee maamulka cusub.
Sidoo kale, Cabdirisaaq Jaamac Warsame ayaa ku guuleystay xilka Guddoomiye ku-xigeenka labaad, isagoo cod aqlabiyad ah ku helay, maadaama aanu lahayn musharrax la tartama.
Doorashooyinkan ayaa ka sii horeysay doorashadii guddoomiyaha Golaha Wakiillada ee maamulka Waqooyi Bari oo isla maanta la qabtay, taas oo dhammaystirtay hoggaanka cusub ee baarlamaanka maamulka.
