Qarax xooggan ayaa waxaa uu ka dhacay meel u dhow xarunta Madaxtooyada Soomaaliya ee magaalada Muqdisho.
Goob-joogayaal ayaa sheegay in qaraxu ka dhacay agagaarka bar amni oo laga ilaaliyo xarunta Madaxtooyada, halka warar kalena ay tilmaamayaan in bartilmaameedku uu ahaa xarunta Godka Jilacow, oo ah xabsi weyn oo ay maamusho Hay’adda Nabad Sugidda iyo Sirdoonka Qaranka (NISA).
Qaraxa kadib ayaa la maqlay rasaas xooggan oo muddo socotay, taas oo keentay cabsi iyo argagax ku faafay xaafadaha ku dhow goobta.
Ilo-wareedyo amni ayaa sheegay in ciidamadu ay xireen waddooyinka gala iyo kuwa ka baxa aagga uu qaraxu ka dhacay, iyadoo baaritaanno ay socdaan.
