Xamaas ayaa sii daysay qeybtii ugu horeysay Maxaabiista Yahuudda oo ay ku wareejisay Hay’adda Laanqeyrta Cas ee Caalamiga ah.
7- ka mida Maxaabiista Yahuudda oo la sii daayay ayaa kusii jeeda Isrl, waxaana hadda socda qorshe ay qeybta labaad ee Maxaabiista Xammaas sii deysay lagu wareejinayo Laanqeynta Cas, iyadoo la filayo inta harsan oo ay ku jiraan Meydad in lasii daayo ilaa maanta.
Donald Trump ayaa goor dhoweyd gaaray magaalada Tel aviv, isagoo khudbad u jeedin doona Baarlamaanka Yahuudda ee loo yaqaan Kenneset, kadibna wuxuu Berri tegi doonaa dalka Masar, halkaas oo shir weyn uu kula yeelan doono Madaxda 20 dal oo ka mida Dalalka Carabta iyo Muslimiinta.
Dhinaca kale Isrl ayaa sii deyneysa ilaa 1966 Maxaabiis oo Falastiiniyiin ah oo ay ku jiraan 250 oo xukunnaa Xabsi daa’iin, waxaana magaalada Daanta Galbeed iyo Marinka Gaza ka socda xaflado lagu soo dhoweynayo.
