Xamaas ayaa ku wareejisay saddex naxash oo ay sheegeen in ay ku jiraan meydadka la haystayaashii Qaza ee dhintay, sida uu sheegay militariga Israa’iil.
Israa’iil ayaa naxashyada gudoontay, iyada oo la sii marinayo Laanqayrta Cas ee Marinka Gaza, meydadkaas ayaa la baari doonaa.
Haddii la xaqiijiyo inay yihiin la haystayaal dhintay, waxay ka dhigan tahay siddeed Israa’iil iyiin ah iyo qof ajaanib ah oo dhintay inay ku hareen Qaza.
Sida uu dhigayo wejigii koowaad ee heshiiska xabbad-joojinta ee uu Maraykanku gar-wadeenka ka ahaa Israa’iil oo bilaabmay bishii hore, Xamaas waxa ay ogolaatay in ay dib u soo celiso 20 qof oo nool iyo 28 dhintay oo ay haysteen.
Israa’iil ayaa Xamaas ku eedaysay in ay aad uga gaabisay soo celinta la haystayaashii dhintay, halka Xamaas ay sheegtay in ay ka shaqaynayso sidii ay u soo saari lahayd maydadka ku hoos jira burburka dhulkaas.
