Mudaharaadyo looga soo horjeedo raafka soogalootiga ayaa sida gubato ugu fiday magaalooyin hor leh, halkaas oo arkarta Trump ka billaabeen in qabqabtaan dad shisheeye ah oo lagu haysto in ay Mareykanka sharcidarro ku joogeen.
Magaalada New York iyo qaybo ka tirsan gobolka Texas ayaa waxaa ka billowday dibed-baxyo looga soo horjeedo beegsiga dadka soogalootiga ah.
Ilaalada Qaranka ayaa loo daabulay gobolka Texas si loogu xoojiyo ciidamada hay’adda socdaalka ee ICE oo hawshii raafka ee ay damacsaneyd ay carqaladeeyeen bannaanbaxyadu.
Gobolkan oo ay u badan yihiin dadka muxaafidka ah ayaa u muuqda mid ay dadweynuhu doonayaan in ay cabashadooda ku muujiyaan si ka duwan gobolka California oo rabshado hareeyeen.
Dhanka New York, wallow ay bannaanbaxu ahaa mid nabdoon, haddana waxaa lagu xirxiray dad badan.
Isku geyn, mudaharaadyadu waxay iminka ka socdaan ugu yaraan 10 magaalo oo kala ah: LA, New York, Atlanta, Chicago, Philadelphia, Dallas, Austin iyo San Francisco.
