Wararka ka imaanaya G/Sh/Hoose ayaa sheegaya in saaka duqeymo iyo howlgallo culus ay ka socdaan, Kaasi oo la doonayo in Al-shabaab looga saaro deegaanada ka tirsan gobolkaasi.
Deegaanada howlgalka ka socda ayaa waxaa ka mid ah Sabiid iyo Caanooole, maadaama maalmo ka hor ay maleeshiyaadka Al-shabaab ay gudaha u galeen deegaanadaasi, kadib markii ay ciidamada dowladda ay isaga soo baxeen deegaanadaasi.
Howlgalkan ayaa ka dambeeyay kadib markii dhawaan taliyaha ciidamada xoogga uu amar ku bixiyay in ciidamada ay dib ugu laabtaan deegaanada ay ka soo ka soo baxeen.
Duqeymahaan ayaa yimid xilli xubno Al-shabaab ay isku uruursanayeen bannaanka deegaannadaas sida ay sheegeen dadka deegaanka.
Lama oga khasaaraha ka dhashay duqeynta iyo howlgalada ka socda deegaanada ka tirsan Gobolka Shabeelada Hoose, gaar ahaan Sabiid iyo Caanoole.
Wararkii ugu dambeeyay ayaa sheegaya in ciidamada xoogga ay gudaha u galeen deegaanka Sabiid iyo Canoole, islamarkaana weli uu socda howlgalka iyo duqeymaha.
